Manila – Midawat ang Lokal nga Panggamhanan sa Alabel nga gidumalaan ni Municipal Mayor Vic Paul M. Salarda, MPA og duha ka nasudnong nga mga pagpasidungog ug rekognasyon gikan sa Department of the Interior and Local Government (DILG), kaniadtong milabayng Martes, Disyembre 13 ug Huwebes, Disyembre 15, 2022 sa The Manila Hotel, Syudad sa Manila, kabisera sa nasud.

Ang duha ka national recognition mao ang 2022 National ADAC Performance Award ug ang prestiyuso nga Seal of Good Local Governance (SGLG) Award gikan sa Department of the Interior and Local Government (DILG).

Hilabihan ang kalipay nga natagamtaman sa Lokal nga Panggamhanan sa Alabel tungod nakita gayud sa nasudnon nga gobyerno ang pagpaningkamot ug dedikasyon sa lungsod aron lamang makaangkon natu ang maong kalampuson pinasubay sa epektibo ug maayong pagdumala sa atong mga lideres nga gipangulohan ni Mayor Salarda niubanan sa tanang mga opisyales sa lungsod lakip niini ang mga departmento ug mga empleyado sa munisipyo, asa nagpakita gayud og pinasahi nga pagpanerbisyu sa katawhan sa munisipyo sa Alabel.

Kahibaloan nga una na gipasidunggan sa Department of the Interior and Local Governement (DILG) ug Philippine Drug Enforcement Agency (PDEA) ang Lokal nga Panggamhanan sa Alabel nga gidumalaan ni Municipal Mayor Vic Paul Molina Salarda, MPA og 2020 Anti- Drug Abuse Council Special Award tungod sa exemplary efforts sa pagsuporta sa anti-illegal drug campaign pinaagi sa pag-sustenar nga drug-cleared status ang mga drug -affected barangays sugod kaniadtong 2017 hangtud 2019, ug ang 2021 National Anti- Drug Abuse Council Performance Award tungod sa pagkab-ot og 100 Percent nga functionality point atul sa gipahigayon nga 2019 ADAC Performance Audit.

Ang 2022 National ADAC Performance Award, usa ka simbolo ug pamatuod nga sinsero ug epektibo gayud ang mga programa sa Lokal nga Panggamhanan sa Alabel pinaagi sa pakigtambayong sa uban pang mga ahensya sa gobyerno aron batukan ang pagkaylap sa ginadili nga droga sa lungsod ug ang hingpit nga pagsuporta niini sa rehabilitation effort sa mga kanhing nasalaag sa kalihokan nga supak gayud sa balaod ug sa Ginoo.

Samtang kaniadtong Huwebes, FOR FIRST TIME sukad nga na- institutionalize ang The SGLG Act of 2019 subay sa Republic Act (RA) 11292, naangkon sa Lokal nga Panggamhanan sa Alabel ang prestihiyuso ug labing taas nga pag-ila sa natad sa maayo ug epektibo nga pagdumala sa usa ka lokal nga panggamhanan nga mao ang 2022 Seal of Good Local Governance (SGLG) Award nga gikan sa Department of the Interior and Local Government (DILG).

Ang SGLG kon Seal of Good Local Governance, usa ka prestihiyusong pasidungog. Mahibaloan nga kaniadtong Abril 12, 2019, gipirmahan ni Presidente Rodrigo R. Duterte ang usa ka balaod nga nagtukod ug nag-institutionalize sa Seal of Good Local Governance para sa mga local government units (LGUs) kon  "The Seal of Good Local Governance Act of 2019" (R.A. 11292). Ubos sa balaod, ang Seal of Good Local Governance (SGLG) nagtumong sa "usa ka award, incentive, honor ug recognition-based program para sa tanang LGUs, ug usa ka continuing commitment alang sa mga LGUs nga padayong mouswag ug molambo ang ilang performance."

Kahibaloan nga gipangunahan sa mga personahe sa Department of the Interior and Local Government (DILG) National Office, ang assessment sa ten (10) governance areas nga mao ang Financial Administration and Sustainability, Disaster Preparedness, Social Protection and Sensitivity, Health Compliance and Responsiveness, Sustainable Education, Business-Friendliness and Competitiveness, Safety, Peace and Order, Environmental Management, Tourism, Heritage Development, Culture and Arts, ug Youth Development.

Dugang pa sa DILG, ang SGLG nagmintinar sa "All-In" nga prinsipyo diin ang usa ka LGU kinahanglan makapasar sa tanang assessment areas.

Karong tuig 2022, tulo (3) lamang ka lungod sa Sarangani Province ang nag-qualify sa mao nga award nga mao ang Alabel, Malungon ug Maasim.

Gawas sa Plaque of Recognition gikan sa DILG, ang Lokal nga Panggamhanan sa Alabel midawat usab og Five Million Pesos (P 5,000,000.00) nga SGLG Incentive Fund nga segun pa sa Office of the Municipal Mayor, pagamiton isip pondo sa improvement sa Alabel Mega Public Market. Kini nga kantidad dako kaayo ang tabang aron mamahimong mas business-friendly ang sentro sa atong lungsod.

Mapasalamaton gayud si Mayor Vic Paul M. Salarda sa tanang mga nahimong kabahin aron kining mga awards makab-ot sa Alabel. Segun pa sa alkalde nga kining tanan dili gayud makuha kung wala ang kooperasyon, pagpaningkamot, ug dakong pagsalig sa katawhan ngadto sa lokal nga gobyerno ug mga empleyado niini. “Daghang Salamat sa tanang mga trabahante sa Gobyerno sa Alabel, sa tanang myembro sa 14th Sangguniang Bayan nga gipangunahan ni Vice Mayor Lente Salway, Jr., ug mga konsehales nga sila Municipal Councilor Tungko P. Sadavao, Municipal Councilor Joel Aton, Municipal Councilor Ferdinand Rey O Flores, Municipal Councilor Danny Jabilles, Municipal Councilor Jocelyn Grafilo, Municipal Councilor Paul Villamora, Municipal Councilor Bonifacio Pacquiao, Municipal Councilor Hermie C. Galzote, MPA, Municipal IPMR Manuelo Mangalon, Municipal PPSK President Generose Navarro ug ABC President Rose Mae Salway Orlino, lakip man ang 14 ka barangay sa Alabel, ug mga  national line agency sa lungsod gikan sa sektor sa kapulisan, kasundaluhan, mga bumbero, mga magtutudlo ug civil society organizations.

Sa duha ka aktibidad, mismo si DILG Secretary Benjamin “Benhur” Abalos, Jr., labaw sa Department of the Interior and Local Government (DILG), mao ang mitunol sa duha award ug gidawat kini ni Mayor Salarda kauban sila MLGOO Florence Abelarde ug Municipal Administrator Lilibeth “Ybing” Salarda, MPA.

Mihatag usab og virtual message si Vice President Sara Z. Duterte atul sa 2022 SGLG National Awarding Ceremony asa gi-congratulate niya ang tanang mga awardee nga Local Government Unit sa Pilipinas.

Nakahimamat usab ni Mayor Salarda ang daghang mga LCE gikan sa ubang mga probinsya ug lungsod sa maong okasyon.

Mitambung usab okasyon sila Municipal Accountant Narvin Lachica, CPA, Municipal Budget Officer Abner Labaniego, MPA, Municipal Asst. Treasurer Candelaria Flores, OIC Municipal Engineer Joan P Maulion, EnP, Municipal Asst. Accountant Baby Grace Daugdaug, CPA, SGLG Focal Person PDO I Rose Ann Cachuela, Administrative Officer V Abigail A. Mangampo, LYDO-designate Alfie Agang, Social Welfare Assistant Cyra A. Julian, LDRRMA Pearl Joy B. Aceron, ug Information Officer /STOO Christian Jay Laya. Kabahin sila sa mga personahe nga gitahasan sa 10 governance areas sa SGLG.

Malaumon ang Lokal nga Panggamhanan sa Alabel pinaagi sa dedikasyon ug mga sakripisyo sa mga focal department sa matag governance areas nga maangkon sa gihapon sa lungsod ang SGLG ingon man ang uban pang award nga timailhan sa maayong panggobyerno. Dako kini nga hagit matud pa, apan sa mapadayun nga pagtinabangay sa tanan ug pagsalig sa Labawng Makakagahum, “Nothing is impossible.” (Alabel Information Office/Christian Laya)